កសិករម្នាក់ នៅភាគខាងត្បូងនៃប្រទេសកូឡុំប៊ី ត្រូវបានវេជ្ជបណ្ឌិតវះកាត់លិង្គចោល ក្រោយពេលប្រើប្រាស់ថ្នាំ Viagra ច្រើនហួសកម្រិត ។ បុរសវ័យចំណាស់ ៦៦ ឆ្នាំ រូនេះ រស់នៅទីរួមស្រុក Gigante, Huila បានប្រើ Viagra យ៉ាងច្រើន ដោយសារតែចង់បំពេញចិត្តមិត្តស្រីថ្មី ហើយផលវិបាក គឺលិង្គ “ឡើង” រហូត ដោយមិនព្រម “ចុះ” មកវិញ ។ ពីដំបូង បុរសនេះ មិនចាប់អារម្មណ៍ដល់ស្ថានភាពប្រដាប់ភេទខ្លួនប៉ុន្មានទេ រហូតដល់ពេលវាលេចចេញរបួស ដោយសារភាពឡើងរឹងជាប់រហូត អូសបន្លាយដល់ប៉ុន្មានថ្ងៃ ។
ក្រោយពេលពិនិត្យ វេជ្ជបណ្ឌិតនៅមន្ទីរពេទ្យតំបន់ បានបញ្ជូនអ្នកជំងឺទៅកាន់មន្ទីរពេទ្យខេត្ត ដោយសារលក្ខណៈស្មុគស្មាញរបស់ជំងឺ ។ នៅទីនោះ វេជ្ជបណ្ឌិតឲ្យដឹងថា លិង្គរបស់បុរសនេះ បានរលាក, ប្រេះ និងមានសញ្ញាមួយ រលេះរលួយ ។ អាស្រ័យហេតុនេះ តម្រូវវះកាត់ចោល ដើម្បីទប់ស្កាត់ស្ថានភាពរលាក និងរលួយ រាលដាលទៅកាន់ផ្នែកផ្សេងៗរបស់សរីរាង្គ ។ មន្ទីរពេទ្យបានព្រមានប្រជាជនតំបន់ មិនត្រូវប្រើប្រាស់ពពួកថ្នាំ ជួយឲ្យឡើងរឹង ដោយគ្មានវេជ្ជបញ្ជាររបស់វេជ្ជបណ្ឌិត ដើម្បីបញ្ជៀសហេតុការណ៍អាក្រក់ដូច្នេះ ៕
ត្រូវកាត់ “លិង្គ” ចោល ដោយសារប្រើ Viagra ហួសកម្រិត
