ភ្នំពេញ: តារាចម្រៀង ដែលនិយមចូលចិត្តធ្វើត្រាប់តាមសំឡេង អ្នកស្រី ប៉ែន រ៉ន យកមកច្រៀងស្ទើរតែគ្រប់កម្មវិធី រ៉ូលីន ដែលកំពុងតែក្រសោបបានភាពល្បីល្បាញក្នុងស្រុក ពេលនេះកំពុងតែត្រូវប៉ាន់ឯនាយសមុទ្របន្ថែមទៀត ខណៈពេលដែលដាក់លក់សំបុត្រ មិនទាន់ត្រូវគេកក់កន្លែងគ្មានសល់។ តារាកំប្លែងរូបនេះ បានប្រាប់ ស៊ីអ៊ីអិន តាមរយៈសារអេឡិកត្រូនិកថា ការសម្តែងលើទឹកដីសហរដ្ឋអាមេរិកលើកដំបូងនេះ ទទួលបានជោគជ័យគួរកត់សម្គាល់ខណៈមានការគាំទ្រច្រើនពីបងប្អូនខ្មែរនៅទីនោះ។ រ៉ូលីន និយាយថា គេស្គាល់ខ្ញុំច្រើនតាមរយៈទូរទស្សន៍ ជាពិសេសក្នុងកម្មវិធីកំប្លែងរបស់ស្ថានីយ៍ទូរទស្សន៍ចឹងហើយទើបធ្វើឲ្យពួកគាត់គាំទ្រ និងមានអ្នកគាំទ្រច្រើន។ ដោយសារតែមានអ្នកគាំទ្រច្រើនបែបនេះហើយ ទើបធ្វើឲ្យការសម្តែងថ្ងៃដំបូងមានមនុស្សចូលមើលច្រើនកកកុញរហូតគ្មានកន្លែងអង្គុយ នេះបើយោងតាមប្រភពបងប្អូនខ្មែរដែលរស់នៅក្រៅប្រទេស។ រ៉ូលីន ជាតារាចម្រៀងដែលទទួលបានការគាំទ្រយ៉ាងខ្លាំងក្នុងរយៈពេលចុងក្រោយនេះ តាមភាពក្រមិចក្រមើម ដែលមិនអាចទប់សំណើចបាន រ៉ូលីន បានបន្សាត់ខ្លួនចូលក្នុងពិភពសិល្បៈតាមរយៈការយិតយោងពីអ្នកសិល្បៈដូចគ្នា គឺតារាចម្រៀង អេឡិច ចាន់ត្រា និងដៃគូ ឆៃលី ដាឡែន ដោយមានទេពកោសល្យពីកំណើតរ៉ូលីន បានទាញយកប្រជាប្រិយភាពបែបជាតារាកំប្លែងបានយ៉ាងលឿនរហ័សដូចផ្លេកបន្ទោរ ទើបធ្វើឲ្យរ៉ូលីន មានឱកាសចេញទៅសម្តែងក្រៅប្រទេស ដូចជា អូស្ត្រាលី កាលពីអំឡុងឆ្នាំ ២០១១ និង ចេញទៅសហរដ្ឋអាមេរិក កាលពីថ្ងៃទី ១៨ កញ្ញា ហើយគ្រោងនឹងត្រឡប់មកស្រុកវិញឲ្យបានមុនថ្ងៃបុណ្យអំទូក បណ្តែត ប្រទីប ឈានចូលមកដល់៕
.jpg)
.jpg)
រ៉ូលីន ចេញសម្តែងនៅអាមេរិកថ្ងៃដំបូង ទទួលបានជោគជ័យ
