ហេ ជីងជីង និងសង្សាររបស់នាង លោកលូ ឡៃ អ្នកស្រុកខេត្តហ្កាងទុង នៅចិនភាគអាគ្នេយ៍ ធ្លាប់កាន់ការងារខ្ពស់នៅរដ្ឋាភិបាលក្រុងហ្កាងហ្សូ។ពួកគេបានទិញ ផ្ទះនិងមានផែនការរៀបការជាមួយគ្នាកាលពីឆ្នាំ២០១១។
តែ ផែនការបង្កើតសុភមង្គលរយៈពេលយូរជាមួយគ្នារបស់គេបានចប់គួរអោយ សោកសង្រេងភ្លាមៗ នៅពេលនាងហេ ជីងជីងធ្លាក់ខ្លួនឈឺក្នុងពេលធ្វើការ។នាងបានសន្លប់ក្នុងពេល ត្រូវបាននាំមកកាន់មន្ទីរពេទ្យ និងមិនដឹងខ្លួនជារៀងរហូត។
នៅ២ឆ្នាំក្រោយមក សមាជិកគ្រួសារនាង បានមកអបអរខួបកំណើតទី២៨ឆ្នាំរបស់នាង ជាមួយនំខេក និងបន្ទាប់មកចូលរួមក្នុងពិធីរៀបការមួយ ដែលជាសុបិនរបស់គូស្នេហ៍នេះ។
សរីរាង្គរបស់នាងនឹងត្រូវបរិច្ចាគទៅអោយអ្នកដែលត្រូវការវាចាំចាប់។
កូនកម្លោះ លូ ឡៃបាននិយាយថា"នាងនឹងនៅក្នុងចិត្តរបស់ខ្ញុំជារៀងរហូត។យើងចង់បានពិធីរៀបការពិសេសមួយ "។
លោកបានបន្តថា "នាងមានជំងឺ តែនាងមិនបានឈប់សម្រាកពីការងារ។បន្ទាប់មកនៅថ្ងៃមួយ ខ្ញុំត្រូវបានគេទូរស័ព្ទមកប្រាប់ថានាងដួលនៅនឹងកុំព្យូទ័រនិង ត្រូវបាននាំទៅមន្ទីរពេទ្យ។គេថានាងឈប់ដកដង្ហើម តែត្រូវបានជួយសង្គ្រោះដោយការធ្វើចលនាបេះដូង តែទោះជាយ៉ាងណា ពេទ្យបាននិយាយថាទោះជានាងនៅមានជីវិតតែខួរក្បាលរបស់នាងបានខូច និងគ្មានអ្វីអាចជួយនាងបានទេ"។
ឪពុករបស់នាងបាន និយាយថា កូនរបស់លោកជានារីស្អាត សកម្មការងារម្នាក់។"នាងតែងនិយាយថានាងចង់ធ្វើជាអ្នកបរិច្ចាគ សរីរាង្គ និងការបរិច្ចាគនេះនឹងជួយអោយផ្នែកខ្លះរបស់នាងនៅរស់និងជួយជីវិត ដទៃទៀត"។
"នាងជាកូនតែមួយរបស់យើង ដូច្នេះយើងចង់មានពិធីពិសេសចុងក្រោយមួយ"៕
ប្រភព៖CEN
កូនក្រមុំដ៏សោកនាដកម្មបំផុតក្នុងលោករៀបការ មុនពេលគ្រួសារដកខ្យល់អុកស៊ីសែនចេញ
