ពីបសុសត្វដែលធ្វើឲ្យគេកូរពោះរហូតដល់ចំណីមានរសជាតិឆ្ងុយឆ្ងាញ់ បំផុត ឥឡូវសត្វល្អិតគឺជាចំណីដាច់ខាតត្រូវតែមាននៅគ្រប់ផ្ទះបាយទាំងឡាយ។
ដោយទិញមួយកំប៉ុង ២៥ ផោន អ្នករៀបចំពិធីជប់លៀងមានជម្រើសរសជាតិជាច្រើន មានចាប់ពីសត្វកណ្តូប និងដង្កូវនាងលាបប៊ឺជូរៗ រហូតដល់សត្វកញ្ចែលាយខ្ទឹមបារាំង។ សត្វល្អិតចំអិនរួចដទៃទៀតដែលដាក់លក់លើទីផ្សារដែរនោះមានខ្យាដំរី រសជាតិសារាយសមុទ្រ, ចង្រិត និងអង្ក្រងប្រឡាក់គ្រឿង។
ផលិតផលទាំងនេះបង្កើតឡើងតាមកម្មវិធីលេងក្នុងព្រៃពិតៗដ៏ល្បីមួយ របស់ទូរទស្សន៍ ITV ឈ្មោះថា I'm a Celebrity... Get Me Out Of Here (កម្មវិធី ខ្ញុំជាតារា...សូមយកខ្ញុំចេញពីទីនេះផង) ជាទីដែលអ្នកប្រកួតប្រជែងខ្វេះពងស្វាសសត្វកង់ហ្គូរូ និងចាប់ពីងពាងដើម្បីធ្វើម្ហូបសមរម្យមួយ។
ខណៈដែលយើងកំពុង ញញឹមពីសាឡុងអង្គុយ វាហាក់បីដូចជាយើងកំពុងតែចិញ្ចឹមសេចក្តីប្រាថ្នាដោយសំងាត់ដើម្បីភ្ល ស្សអាហារសម្រន់មិនធម្មតាដោយខ្លួនយើងដូច្នេះដែរ។ យើង (ប្រជាជនអង់គ្លេស) នៅក្រោយគេទេចំពោះនិន្នាការទទួលទានអាហារបែបនេះ មនុស្សយ៉ាងតិច ២ លាននាក់ជុំវិញពិភពលោកបានបំពេញបន្ថែមរបស់អាហាររបស់ពួកគេជាមួយនឹង សត្វល្អិតទាំងនេះ។
សត្វល្អិតទាំងនេះត្រូវបានលាន់មាត់សរសើរថាជាអាហារកំពូលនៅចុងបូព៌ា ចំពោះកំរិតខ្ពស់នៃជាតិប្រូតេអ៊ីន ហ្វាយបឺ និង សារធាតុរ៉ែ។ ប៉ុន្តែក្នុងឆ្នាំនេះ ទីបំផុតប្រជាជនអង់គ្លេសមានការពេញនិយមយ៉ាងខ្លាំងមកលើសត្វល្អិត ខណៈដែលក្រុមហ៊ុនចែកចាយឃើញមានកំណើនបញ្ជាទិញយ៉ាងខ្ពស់តាមអនឡាញ ក្នុងចក្រភពអង់គ្លេស។
យោងតាមក្រុមហ៊ុនផលិតដ៏ធំឈ្មោះ ThinkGeek ដែលនាំចេញអាហារសម្រន់ទូទាំងពិភពលោកបានឲ្យដឹងថា សត្វល្អិតទាំងនេះគ្មានពណ៌សិប្បនិម្មិត (ល័ក្ត) ជាតិម្សៅ និង សារធាតុបង្ការកុំអោយខូចពុកផ្អូមនោះទេ និងត្រូវបានធ្វើតេស្តក្នុងមន្ទីរពិសោធន៍មួយនៅថៃ។
លោកស្ទី វ ហ្ស៊ីមមឺមែន មកពីក្រុមហ៊ុន ThinkGeek បាននិយាយថា "នៅជុំវិញពិភពលោកមានមនុស្សជាច្រើនដែលទទួលទានសត្វល្អិតជាផ្នែក មួយនៃរបបអាហាររបស់ពួកគេ។ ពួកវាជាប្រភពដ៏អស្ចារ្យនៃជាតិប្រូតេអ៊ីន ហើយនៅពេលអាហារនេះអាចរកបានសម្រាប់អ្នក នោះហើយគឺជាអ្វីដែលអ្នកនឹងទទួលទាន។ សត្វល្អិតជាអាហារសម្រន់មានការពេញនិយមខ្លាំងណាស់នៅអាស៊ី"៕
ប្រភព៖CEN
សត្វល្អិតកំប៉ុងតម្លៃ ២៥ ផោនចាប់ផ្តើមដាក់លក់នៅអង់គ្លេស
