យោងតាមប្រភពព័ត៌មានពីសាក្សី ដែល ឃើញគ្រោះថ្នាក់ចរាចរខាងលើនេះ បាន និយាយថា រថយន្ដបង្កដោយខ្លួនឯងម៉ាក កាមរីគូទស្វិត ពណ៌ប្រផេះ ពាក់ស្លាកលេខ ភ្នំពេញ 2B-7657 បើកបរដោយបុរស ម្នាក់ ដែលសមត្ថកិច្ចប្រាប់ថា មានឈ្មោះប្លង់ រតនា អាយុ៣១ឆ្នាំ រស់នៅភូមិលេខ៥ ឃុំ អូរឫស្សី ស្រុកកំពង់ ត្រឡាច ខេត្ដកំពង់ឆ្នាំង។
សាក្សីបានបន្ដទៀតថា មុនពេលកើតហេតុ អ្នកបើករថយន្ដរូបនេះ បានធ្វើដំណើរយ៉ាង លឿន តាម បណ្ដោយផ្លូវលេខ២៦៦ ក្នុងទិស ដៅពីជើងទៅត្បូងក្នុងល្បឿន យ៉ាងលឿន លុះមកដល់កែងផ្លូវលេខ១៨២ ក៏បត់ឆ្វេង ហើយជ្រុលទៅបុកដើមលឿងរាជបាក់អស់មួយដើម រួចបានបន្ដទៅបុកប៉ាណូផ្ទះសំណាក់ ហាក់ ហេងលី ហើយបន្ដបុកបង្គោលភ្លើង ថ្មទៅមុខលែងរួចតែម្ដង ។
ក្រោយមានករណីនេះកើតឡើង កម្លាំង នគរបាលខណ្ឌទួលគោក និងកម្លាំងនគរបាល ចរាចរណ៍ជើង គោក រាជធានីភ្នំពេញ បានចុះ ទៅជួយអន្ដរាគមន៍ ហើយហៅរថយន្ដសង្គ្រោះ បន្ទាន់ដឹកយកអ្នកបើក រថយន្ដរូបនេះទៅ សង្គ្រោះនៅមន្ទីរពេទ្យ ។ ដោយឡែក រថយន្ដត្រូវបានកម្លាំងសមត្ថកិច្ច យកទៅ រក្សាទុក នៅអធិការដ្ឋាននគរបាលខណ្ឌទួល គោក ដើម្បីដោះស្រាយបន្ដទៀត ។
គួរបញ្ជាក់ថា គ្រោះថ្នាក់ចរាចរដែលកើត ឡើងជារៀងរាល់យប់ ត្រូវបានសមត្ថកិច្ច អះអាងថា ភាគច្រើន បណ្ដាលមកពីគ្រឿង ស្រវឹង និងបើកលឿនមិន គោរពច្បាប់ចរាចរ បង្កឱ្យប្រជាពលរដ្ឋជាច្រើននាក់ ស្លាប់និងរង របួសជាបន្ដបន្ទាប់ និងបំផ្លាញទ្រព្យសម្បត្ដិ របស់រដ្ឋជាច្រើនផងដែរ ៕
ប្រភព៖ដើមអំពិល
បើករថយន្ដលឿនពេក ជ្រុលទៅបុក ដើមលឿងរាជ និងបុកបង្គោលភ្លើងរង របួសធ្ងន់
