បទ “ទឹកភ្នែកស្រីខ្មែរយកប្ដីកូរ៉េ” លាតត្រដាងរឿងរ៉ាវពិតរបស់នារីខ្មែរម្នាក់ បន្ទាប់ពីនាងបានរៀបការជាមួយបុរសសញ្ជាតិកូរ៉េ ហើយជួបភាពជូរចត់រាប់មិនអស់នៅស្រុកគេ។ នេះបើតាមការរៀបរាប់របស់នាង គង់ ចាន់រដ្ឋា មុនពេលច្រៀងបទនេះសម្រាប់អ្នកគាំទ្រលើបណ្ដាញសង្គម។
អ្នកនិពន្ធបទចម្រៀងនេះឈ្មោះ ផាត ស៊ូឃុន បានយកលំនាំតាមបទ “អូនជារៃមាស” របស់អ្នកស្រី សុង សេងហ៊ន ។ ដើមចមដែលនារីម្នាក់សម្រេចចិត្តយ៉ាងផុយស្រួយបែបនេះដោយសារ កត្តាជីវភាព និងត្រូវការប្រាក់។ ស្ត្រីម្នាក់នោះមិនបានសម្រេចបំណងចង់បាននោះទេ បែរជាទទួលរងអំពើហិង្សាទាំងផ្លូវកាយ និងផ្លូវចិត្តមិនលុះថ្ងៃទៅវិញ។
ទោះយ៉ាងណា មានប្រិយមិត្តរបស់នាង គង់ ចាន់រដ្ឋា មួយចំនួនបានលើកឡើងថា រឿងបែបនេះមិនបានកើតឡើងជាទូទៅនោះទេ។ អ្នកមានប្ដីជាជនជាតិកូរ៉េខ្លះ ក៏ទទួលបានក្ដីស្រលាញ់យ៉ាងពិតប្រាកដ និងមានសុភមង្គលនៅទីនោះដែរ។
ចង់ដឹងថា តើជីវិតពិតនៃស្ត្រីម្នាក់ដែលដាច់ចិត្តរៀបរាប់ពីជីវិតរបស់ខ្លួន ជួបរឿងរ៉ាវយ៉ាងណាខ្លះនៅប្រទេសកូរ៉េនោះ សូមស្ដាប់នាង គង់ ចាន់រដ្ឋា ច្រៀងដូចតទៅ៖
បទ” ទឹកភ្នែកស្រីខ្មែរយកប្ដីកូរ៉េ” ជារឿងរ៉ាវពិត
