នៅលើ Account Facebook របស់ លោក អាន គុណកូឡា ជាតារាចម្រៀងល្បីឈ្មោះគួរសមមួយរូប ប្រចាំផលិតកម្ម សាន់ដេ បានបង្ហោះរូបជាច្រើនសន្លឹក ស្តែងឲ្យឃើញពីភាពកៀកកើយឱបរឹត ជាមួយស្រីស្អាតមុខស្រស់ កញ្ញា យូរី មើលទៅប្រៀបបី ដូចជាគូស្នេហ៍ថ្មោងថ្មី ទាំងដែលកន្លងមកពួកគេទាំងពីរ ធ្លាប់តែចេញមុខប្រកាសក្តែងឲ្យថា ពួកគេមិនមានទំនាក់ទំនងស្នេហាជាមួយគ្នានោះទេ។
បើទោះបីជា មានការចេញមុខច្រានចោល ព័ត៌មានរឿងស្នេហារបស់ពួក គេទាំងពីរ ម្តងជាពីរដងក៏ដោយ តែព័ត៌មាននេះនៅមិនស្ងប់ស្ងាត់ទេ ព្រោះគេសង្កេតឃើញថា តារាប្រុសស្រីមួយគូនេះ តែងតែបង្ហោះរូបថតឱបរឹត ដូចជាគូស្នេហ៍នៅលើ Facebook ធ្វើឲ្យទស្សនិកជន នៅតែគិតថា ពួកគេមានស្នេហាលួចលាក់ក្រៅឆាកជាមួយគ្នា។
តាមប្រភពមួយផ្សេងទៀត បានបង្ហើបឲ្យដឹងថា ការបង្ហោះរូបថតជាច្រើនសន្លឹក នៅលើបណ្តាញទំនាក់ទំនងសង្គម Facebook នេះ ដោយសារតែតារាចម្រៀងទាំងពីរដួង មានចេតនាចង់ផ្គើន និងពាក្យចចាមអារ៉ាម ដែលកន្លងមកពួកគេខំប្រឹងបកស្រាយថា មិនមានទំនាក់ទំនងស្នេហា។
ទស្សនិកជន និងសារព័ត៌មាននៅតែ ចុះផ្សាយមិនឈប់ ទើបពួកគេទាំងពីរ សម្រេចចិត្តបង្ហោះរូបថត ជាមួយគ្នាកាន់តែច្រើន ដើម្បីបញ្ចប់ព័ត៌មាន កុំឲ្យចុះផ្សាយ ពីពួកគេបន្តទៀត ។ ប៉ុន្តែទង្វើបែបនេះ គេមិនទាន់សន្និដ្ឋានបានទេថា រវាង អាន គុណកូឡា និង យូរី ពុំមានជាប់ពាក់ព័ន្ធក្នុងចំណងស្នេហា ជាមួយគ្នានោះ ខណៈអ្នកទាំងពីរ មិនទាន់អាចទាក់ទង បកស្រាយបានទេ នៅព្រឹក ថ្ងៃទី២ ខែតុលា នេះ ៕
ប្រភព៖Lookintoday
យូរី និង អាន គុណកូឡា បង្អួតភាពផ្អែមល្ហែម ផ្គើននឹងព័ត៌មានស្នេហាជាមួយគ្នា
