យោងតាមប្រភពព័ត៌មានបានឲ្យដឹងថា ជនរងគ្រោះរូបនេះ មានអាយុ ៤៣ឆ្នាំ រងរបួសដោយសារតែ ពាក់ស្រោមជើងទទឹក ក្នុងស្បែកជើង ក្រោយពីចេញពីក្រៅផ្ទះ។ រយៈពេលមួយម៉ោង ក្រោយមក គាត់មានអារម្មណ៍ថាឈឺចាប់ជើង នៅពេលដែលគាត់ដោះ ស្បែកជើង និងស្រោមជើងចេញ គាត់បានប្រទះឃើញ ស្បែករបស់គាត់ បានជ្រុះចេញពីជើង ហើយសាច់ ប្រែក្លាយទៅជាពណ៌ខ្មៅ។
ថ្នាំបំបាត់ក្លិនស្អុយនោះ ចាប់ផ្ដើមចុះត្រជាក់លឿនណាស់ នៅពេលដែលប៉ះជាមួយនឹងស្បែក វាអាចចុះពី ២៥ដឺក្រេសេ ទៅ -២៥ដឺក្រសេ។ ថ្នាំនេះវាមិនបានប៉ះពាល់ខ្លាំង នៅអាកាសធាតុធម្មតាខាងក្រៅនោះទេ តែវាមិនប្រត្តិកម្មខ្លាំង នៅពេលដែលដាក់វានៅជាប់ស្បែកយូរ ដូចជាបុរសម្នាក់នេះជាដើម។
ក្រោយពីប្រទះឃើញជើងរបស់គាត់ រងរបួសធ្ងន់គួរឲ្យខ្លាច គាត់ក៏បានទៅដល់មន្ទីរពេទ្យ Ninewells ដើម្បីធ្វើការពិនិត្យ និងវះកាត់។ លោកវេជ្ជបណ្ឌិតក៏បានផ្ដាំផ្ញើរផងដែរថា សូមបងប្អូនទាំងអស់ ប្រុងប្រយ័ត្នជាមួយនឹង ការប្រើប្រាស់ថ្នាំបំបាត់ក្លិនជើង ប្រភេទ Spray បាញ់។
តើប្រិយមិត្តធ្លាប់ជួបប្រទះករណីបែបនេះពីមុនដែរ ឬ ទេ?
ប្រភព៖ខ្មែរឡូត
រលួយជើង ដោយសារតែពាក់ស្រោមជើងទទឹក ពីថ្នាំបំបាត់ក្លិនស្អុយ
